地址: 觀塘凱源工業大廈6樓A室

 

近日有不少朋友問有無新手Deck List 分享，我哋就分享一下新手入坑嘅Deck List，

可以砌一副你鍾意嘅學校，邊打邊調到你合適嘅Deck啦。

Deck list未必係最強嘅強度，但十分適合入坑試Deck試自己嘅風格。

 

以《頂-影山》做二傳甩Guts發效，加Event再喺棄牌區執返 《頂-日向》甩Guts發效打出最大攻擊值為核心。前期用《1-2-2 日向》 或 菅原 做二傳，加 3 攻擊手，保持打出 5 嘅 總進攻值。 以《6-0-0 西谷》及 大地 做防守接球，加 《5-0-0西谷》同Event 可以甩Guts發效接較大力嘅球。同時有一定程度嘅攔網球員。

適合喜歡進攻嘅朋友試試。

_________________________________________

 

以防守見稱嘅音駒，數量較多可以接到5或6嘅球員，喺接球時有更多嘅選擇。加上《1-1-0 研磨》甩Guts發效，能夠令對手進攻值減低，可以用 灰羽 或 犬岡 攔網，或輕鬆接球。喺無手牌時可以用 學姐Event 回收場上Guts重用，之後再用《頂-研磨》回收學姐Event或防守Event重用，最後手段用 《頂-黑尾》 再回收場上Guts重用。主打防守+資源，令對手用哂啲牌，自己就仲有牌可以用。

適合有耐性防守等機會嘅朋友。

_________________________________________

 

以《頂-及川》做發球同二傳，開效唔洗用Guts，只需要掉手牌，所以能夠喺一開始就發效進攻。再用《1-0-2 岩泉》掉手牌發效，令對手無得補手牌嘅同時自己可以補手牌。打出資源差取得優勢。因為無太多回收資源嘅手段，

適合喜歡前期就進攻嘅朋友。

_________________________________________

 

以 木兎 為主要並唯一攻擊手段，單數Guts回合就可以打出5攻擊力，加上《3-2-1 赤葦》，已能夠輕鬆打出7總進攻值。後期加上《0-1-2 赤葦》甩Guts發效，緊接嘅雙數回合回收 木兎 並緊接打出8總進攻值，令對手難以連續接2次大力進攻。唯一問題係點樣捱過雙數回合。

簡單直接暴力，適合瘋狂進攻嘅朋友。

_________________________________________

 

混校砌法最大好處係可以用各校嘅強球員，但同時缺點係運氣成份偏高。大部分嘅大力進攻手段或者接球都需要從Deck頂開卡，睇有無撞自己場上嘅學校至可以發效，同時 星海 需要4間學校在場至可以發效。正因為咁打出球員時，需要考慮令自己場上球員處於不同學校。以牛島 同 佐久早 做前期進攻手段，儲夠Guts就打出 星海 加Event，打出最大進攻值。

適合相信自己運氣嘅朋友。